Foldaborg

Beint í meginmál
Beint í aðalvalmynd
Beint í flýtileiðir
Beint í slóð
Beint í nýjustu fréttir

Sveitaferð í boði foreldrafélagsins

mánudagur, 23 apríl 2012 11:16

Sveitaferð - Bjarteyjarsandur 12. maí kl. 13:00 lagt af stað frá Frosta

Boðið verður uppá að fara með rútu, það kostar 1200 krónur á mann. Að sjálfssögðu er einnig hægt að koma með á einkabílum.

Mikilvægt er að skrá hversu margir ætla að fara með í rútu, á skráningarblað sem hangir uppi í fataherbergjum í leikskólanum.

Á Bjarteyjarsandi eru ekki bara nýfædd lömb, krúttlegar kanínur, mjúkir kettlingar og hvolpar, heldur líka fjara sem skemmtilegt er að leika sér í.

Vonumst til að sem flestir komist :)

Gestir komi með veitingar með sér, grill er á staðnum!

Í dag var nafnahátíð

Fréttir - Almennar fréttir

miðvikudagur, 18 apríl 2012 20:16

Í dag var mikið um dýrðir í leikskólanum Sunnufold

Við efndum til nafnahátíðar þar sem gömlu skólanöfnin, Foldaborg, Foldakot og Funaborg voru kvödd með táknrænum hætti og nýju nöfnin hillt.

Sameinaður leikskóli Foldahverfis heitir nú Sunnufold. Starfstöðvarnar hlutu nöfn eftir þeim götum sem þær standa við: Frosti, Logi og Funi.

Einnig tókum við formlega “fold í fóstur” af Þórólfi Jónssyni garðyrkjustjóra Reykjavíkurborgar. Grenndarsvæðið hlaut nafnið Sunna.

Opna svæðið sem um ræðir er sannkallaður miðdepill leikskólans. Það stendur inni á milli botnlangana, annars vegar við austanverða Funafold og hins vegar við vestanverða Hverafold.

Staðurinn er upplagt grenndarsvæði og skemmtilega miðsvæðis milli starfsstöðva Sunnufoldar en þær standa allar í sömu brekkunni/hlíðinni sem snýr mót suðri ...þaðan sem sjálf sólin skín.

Pælingin er að Sunnufold tileinki sér þetta opna almenningssvæði sem sameiginlegt útisvæði og merki/varði sér það á táknrænan hátt svo að skólafólkinu finnist það eiga þar einhver ítök og áþreifanlega tengingu við staðinn sem hluta af skólanum sínum.

Samnýting svæðisins með almenningi ætti að ganga prýðilega og án árekstra enda sýnir reynslan að almennir borgarar nota svæðið helst síðdegis og á kvöldin, eftir að venjubundnum leikskóladegi lýkur.

Kær kveðja og gleðilegt sumar, Valgerður Anna Þórisdóttir, Bergsteinn Þór Jónsson og Guðný S. Hallgrímsdóttir í Sunnufold

Barnamenningarhátíð

Almennar fréttir
miðvikudagur, 18 apríl 2012 20:15
Á Barnamenningarhátíð, gjörningur í Hlöðunni í Gufunesbæ Krakkarnir í skólasamfélaginu í Foldahverfi, þ.e. krakkarnir í frístundaheimilinu Regnbogalandi, unglingarnir í félagsmiðstöðinni Fjörgyn og elstu nemendurnir í leikskólanum Sunnufold stóðu fyrir listagjörningnum “Crescendo” eða með vaxandi styrk eins og það þíðir á íslensku. Vísað er til uppsprettunnar sem er þema hátíðarinnar, lítil hugmynd varð til í skólasamfélaginu hér í Foldahverfi fyrir nokkrum vikum. Verkefnastjóri Regnbogalands lagði til átta metra langan seglstranga. Farið var svo með hann á milli heimastöðva þátttökuaðila. Þar spratt upp listaverk sem varð til í nokkrum heimsóknum. Þegar kom svo að afhjúpun þessa mynd-hljóð- og hreyfigjörnings komu allir þátttökuaðilar með hljóðgjafa úr náttúrunni sem þeir léku á um leið og myndverkið reis upp í tígulega uppsprettu sem var jú þema hátíðarinnar. Tekið skal fram að þetta er í fyrsta skipti í sögu skólasamfélagsins í Foldahverfi sem slík samvinna hefur skapast.